| Passwort vergessen?
Sie sind nicht angemeldet.  Anmelden

Sprache auswählen:


DR VEREINSMEIER (Büttenrede)
  •  
 1
10.02.18 13:08
bruddl-supp.de 

Moderator

DR VEREINSMEIER (Büttenrede)

En onserm Dorf, da gibt´s Verei,
wo mr als Mitglied ei sich schreibt,
doch dr Herr Meier iebertreibt,
en jedem Club isch der dabei.
Beim FC macht r Kassawart,
em Liederkranz sengt er Tenor,
Posaun blast er zom Kirchachor
ond Waldhorn bei dr Schützagard.
Zu jeder Sitzung kommt r treu –
dr Meier emmer isch dabei.

Beim Schach er sitzt am vierta Brett,
zom Bibelkreis gaht oft er na,
em Tanz-Club legt, so guat r ka,
a flotte Sohl er uffs Parkett,
em Karnevalsverei er thront
als Beisitzer em Elferrat,
als Kleigärtner er batscht Salat,
de Trachtafescht gern bei er wohnt.
Wenn wo a Halle g´weiht wird ei –
dr Meier emmer isch dabei.

Ens Rathaus hat mr´n nei ihn g´wählt,
beim Kegla isch r Präsident,
die Kleitier-Zucht braucht sei Talent,
em Wander-Club er d´Schritt abzählt.-
Bald 20 mal, des isch Rekord,
gaht er pro Woch zu Zammakünft,
Parteia, Cliqua oder Zünft,
ond jedermann ihn schätzt em Ort.
Er scheint beliebt em ganza Gäu –
dr Meier emmer isch dabei.

Doch plötzlich s´Dorfleba isch dod,
dr Meier oifach bleibt dahoim,
die Feschtla g´ratat aus am Leim,
für manchan Club dr Absturz droht.
Mr tratscht: Dr Meier dreht bald hohl,
weil´s Weib von ihm isch g´laufa weg
zur Muader en dr Nachbarsfleck. -
Er feiert, jubelt, fiehlt sich wohl,
hockt en dr Küche, kiebelt Wei –
dr Meier nemme isch dabei.

Des brengt ons en Verlegaheit;
a Abordnung wird delegiert,
die d´Frau vom Meier striezt ond schmiert,
bis sie zur Rückkehr isch bereit.
Dr Meier schreit „oh jemineh“,
fügt en sei Schicksal sich ond kuscht,
jetzt plant r wieder onsern Kruscht,
so´n Depp hätt g´fonda mr nie meh.
Wenn jetzt was g´schafft wird em Verei –
dr Meier emmer isch dabei.

Social Networks:
Empfehlen Sie diesen Inhalt...
Erst aktivieren, dann empfehlen. So übertragen Sie Daten nur, wenn Sie es wünschen.
 1
Kleigärtner   Abordnung   Karnevalsverei   Büttenrede   Kirchachor   Schützagard   Trachtafescht   Liederkranz   Zammakünft   delegiert   Verlegaheit   Kleitier-Zucht   VEREINSMEIER   iebertreibt   Bibelkreis   jedermann   Präsident   Nachbarsfleck   Wander-Club   plötzlich