Wenn Sie uns unterstützen möchten verwenden Sie für Ihren nächsten Einkauf bei Amazon diesen Link.

Themabewertung:
  • 0 Bewertung(en) - 0 im Durchschnitt
  • 1
  • 2
  • 3
  • 4
  • 5
KUNSCHT AM KÖRPER
#1
Frieher hat mr no toujours
Ehrfurcht g 'hätt vor dr Natur.
Wenn dr Busa na isch g 'hängt,
hat mr 'n en an BH zwängt,

Falda hat mr sich em G 'sicht
übertüncht mit Puder-Schicht,
allerhöchstens seine Zäh
hat mit Gold mr g 'macht sich sche.

Heit wird d 'Scheheit anders g 'wichtat,
Fehler werdat künstlich g 'richtat,
d 'Zäh mr steckt en d 'Plastik-Kron,
en dr Busa Silikon,

Falda werdat operiert,
Lippa breiter tätowiert,
Nadla wer 'n durch d 'Haut durch puhlt,
Kunscht am Körper isch heit Kult.

Glatza motzt mr, en dr Tat,
uff mit Locka-Implantat.
Des isch halt dr Zug dr Zeit,
alt will werda koiner heit.

D 'ganz Familie irgendwann,
huldicht onserm Jugendwahn.
Oiner lässt dr Hendra lifta,
oiner sich dr Arm besschrifta,

oim mr saugt dr Bauchspeck ab,
oim mr spritzt was en sei Klapp.
Stumm i schmunzel als Genießer,
jeder moint, i wär an Spießer.-

Doch seit neustem ben au i
uffg 'rückt en dr Hierarchie,
Kunscht am Körper hat au mir
endlich g 'reicht zur Manneszier.-

Siehsch mi heit durch 's Kaufhaus wanka,
piepsat alle Ausgangs-Schranka.
I fiehl hart mi ond brutal,
d 'Hälft an mir isch jetzt aus Stahl.-

Des gaht schneller, als mr denkt,
mr hat g 'richtat mir die G 'lenk,
an dr Hüft mi operiert -
Kunscht am Körper - i han 's g 'spiert !
Zitieren


Gehe zu:


Benutzer, die gerade dieses Thema anschauen: 1 Gast/Gäste